Албанскиот премиер Еди Рама и шефот на косовската дипломатија Хашим Тачи се прогласени за почесни граѓани на Улцин.
За време на денешната свечена седница на Општинското собрание, признанието на Рама и Тачи им го врачи градоначалникот на Улцин Фатмир Ѓека, кој рече дека тие двајца придонеле за сестраните односи на Црна Гора и нивните држави, за регионалната соработка и подобрување на позицијата на Албанците во Црна Гора.
Рами и Тачи, посебно истакнувајќи ги добрите односи кои нивните држави ги имаат со Црна Гора, изјавија дека им е чест што се почесни граѓани на Улцин.
На свечената седница присуствуваше и претседателот на Црна Гора Филип Вујановиќ, членови на дипломатскиот кор, претставници од други општини и членови на Парламентот.