Албанскиот премиер Еди Рама ја демантираше информацијата на израелската телевизија Канал 12, во која се тврди дека неговата влада преговара со администрацијата на американскиот претседател Доналд Трамп за прифаќање до 100.000 Палестинци од Газа.
Рама го нарече извештајот „целосна лага“ и додаде дека „таква лага одамна не слушнал“, пишува „Тајмс оф Израел“.
Тој ја истакна целосната солидарност со народот во Газа, кој, според неговите зборови, е „дехуманизиран од дивјаштвото на режимот на Хамас“ и кој претрпе „пеколна војна“ по „хоророт од 7 октомври“.