Кина размислува за укинување на царините за некои американски производи
Пекинг ја разгледува можноста за укинување или намалување на царините за одредени американски производи, вклучувајќи медицинска опрема и индустриски хемикалии, објави утрово Ројтерс.
Според извори блиски до ова прашање, Министерството за трговија на Кина формирало работна група за составување листи на производи што би можеле да бидат ослободени од дополнителни царини.
Според информациите објавени од списанието „Каиџинг“, се разгледува можноста за ослободување од данок на осум производи поврзани со полупроводници, додека мемориските чипови нема да бидат земени предвид.
