Со потпишувањето на Дејтонскиот мировен договор на 21 ноември 1995 година официјално е завршена 3,5-годишната војна во Босна и Херцеговина.
На денешен ден се одбележува 21-годишнината од потпишувањето на Општиот рамковен договор за мир, кој беше парафиран од тогашните претседатели на Босна и Херцеговина Алија Изетбеговиќ, на Хрватска, Фрањо Туѓман и на Србија, Слободан Милошевиќ, во присуство на тогашниот државен секретар на САД Ворен Кристофер.
Со договорот парафиран во воена база во Дејтон по тринеделни преговори со посредство на САД, БиХ е поделена на Федерација БиХ (51 процент од територијата), Република Српска (49 отсто од територијата) и дистриктот Брчко.
Договорот потпишан во Дејтон, Милошевиќ, Туѓман и Изетбеговиќ официјално го парафираа три недели подоцна на 14 декември 1995 година во Париз.
Сите тројца потписници се починати, како и меѓународниот претставник за Балканот и „автор“ на Дејтонскиот договор американскиот дипломат Ричард Холбрук.
Потписниците се обврзаа меѓусебно да ги регулираат односите според Повелба на Обединети нации, Завршниот документ од Хелсинки и други документи на ОБСЕ со меѓусебно почитување на суверенитетот и решавање на спорови на мирен начин.
Дејтонскиот договор стави крај на војната во БиХ, а во меѓувреме претрпе бројни измени.