Два смртни случаи од западнонилска треска во Србија

Од:

Две лица починаа од последици на западнонилска треска во Србија. Ова се први смртни случаи годинава од оваа болест во земјата.

Жртвите се маж и жена на возраст од 63 и 50 години, кои претходно имале хронични болести. Покрај тоа, комарци кои го пренесуваат вирусот се откриени на шест места во градот Панчево, како и на две места во Белград.

Лекарите бараат од граѓаните да ги избегнуваат овие области, а исто така да не се појавуваат на улица во најактивното време за инсекти – во зора и самрак. Експертите, исто така, ги повикуваат граѓаните да ги заштитат своите домови со мрежи и специјални средства. Градските власти во Белград веќе неколку дена наутро прскаат хемикалии на улиците во градот за да го намалат бројот на инсекти.

Десетици луѓе умираат од западнонилска треска секоја година во Србија. Првпат болеста е регистрирана во Србија во 2012 година, оттогаш 1.032 луѓе се заразени во земјата, а 98 починале. Најлоша година беше 2018 година, кога починаа 29 лица, а вкупниот број на лабораториски потврдени случаи на болеста, која се пренесува од комарци, достигна 286.

Западнонилската треска е акутна вирусна болест со период на инкубација од неколку дена до три недели. Болеста може да предизвика оштетување на централниот нервен систем во форма на менингитис или менингоенцефалитис, како и во форма слична на грип со главоболка, треска и болки во грлото. Вирусот се шири главно во тропските и суптропските региони, но неодамна стана честа појава и во нетропските земји.

Вирусот главно ги погодува птиците, но и луѓето и многу цицачи, кои се заразуваат по убод од комарци.

Би можело да ве интересира

(ВИДЕО) Скандалозно однесување на блокaдерите, нов инцидент во Нови Сад: Постара жена турната

Се урна авион во близина на Белград, пилотот е извлечен од вода

Во Белград в сабота ќе се одржи хуманитарен концерт во спомен на загинатите во Кочани

ВИДЕО: Драматични снимки од Белград: Пристигнаа уште 12 пациенти повредени во пожарот

Горан Наумовски

Авион со тешко повредени од Кочани слета во Батајница, веднаш се пренесен во болница

Пред Амбасадата на Македонија во Белград положено свежо цвеќе и запалени свеќи од македонската заедница во Србија

Горан Наумовски