Државниот врв наредните денови ќе ги прецизира минималните надлежности на заедницата на српските општини за договорот со Приштина, изјави претседателот на собранискиот Одбор за Косово, Милован Дрецун.
Тој истакна дека се во ток силни дипломатски активности, при што покровителите на преговорот помеѓу Белград и Приштина бараат од Србија да го прецизира минималното барање, кое посебно се однесува на надлежностите на заедницата на српските општини, но тоа да се стави на хартија.
-Поради тоа се надеваме дека Брисел и Вашингтон ќе извршат дополнителен притисок кога државниот врв наредните денови ќе го дефинира тој миним кој е добро познат, Приштина да биде подготвена на компромис-изјави Дрецун.
Елена Георгиевска