Две лица се повредени кога авион што леташе од Словачка мораше итно да слета на ливада во Босна и Херцеговина.
Според извештаите, станува збор за приватен авион од Словачка, кој денес, поради дефект, изврши итно слетување на платото Влашиќ.
Слетувањето се случи околу 13.30 часот, а авионот, како што покажа flightradar24, полетал директно од Словачка во 9 часот утрово.
Според истрагата, двајца патници се здобиле со полесни повреди.
Приватниот авион му припаѓа на Прешовскиот аероклуб од градот Прешов во Словачка и, според неофицијални информации, се користи за обука на пилоти.