Американскиот амбасадор во Тирана Доналд Лу побара од албанските политички партии и институции, од кадидатските листи да ги тргнат лицата со криминално досие.
Како што пренесува допсисникот на МИА, презентирајќи ја амерканската помош за локaлните избори што ќе се одржат на 21 јуни, амбасадорот Лу предупреди дека на кандидатските листи биле идентификувани лица со криминални досиеа, кои веднаш треба да бидат избришани од листите.
– Имаме идентификувано лица со криминално минато и веќе разговараме со политичките лидери и инситуциите и побаравме тие да се отсранат од листите. Задоволни сме што на кандидатските листи има повеќе жени, изјави Лу.
Иако не прецизираше бројка, медиумите наведуваат дека само меѓу кандидатите за градоначалници има најмалку дваесет лица со криминално минато, вмешаност во убиства, шверц со дрога, перење пари.
Според медиумите, вакви лица има и во кандидатските листи на левата и на десната изборна коалиција.
Американскиот дипломат соопшти дека за локалните избори САД ќе ја помогне Албанија со фонд од половина милион евра.