На мејлот на српски Курир е испратена порака дека на голем број локации во Белград се поставени бомби.
Како што е наведено во мејлот, експлозиви биле поставени во секое основно и средно училиште, како и секој факултет, секоја државна болница, како и на Бранков мост, Газела, Новиот Железнички мост, Мостот Ада, Мостот Панчево, Народниот музеј, Делта Сити, ТК Змај, Ада мол, ТЦ Стадион, ТЦ Коњарник, Јавен аквариум и тропикариум, секој објект на Мекдоналдс, аеродромот „Никола Тесла“, главната станица во Белград, секоја електрана и секој објект за прочистување на водата.
Во пораката се наведува дека причината за тоа е поддршката на Србија за Русија, односно поради тоа што не се воведени санкции кон Русија, како и поради тоа што сè уште функционираат летовите за Санкт Петербург и Москва.