Владеењето на правото, борбата против криминалот и корупцијата, финансирање на медиумите и почитување на малцинските права се задачите кои што Србија треба да ги исполни на патот кон ЕУ.
Шефот на делегацијата на ЕУ во Србија, Венсан Дежер изјави дека патот на Србија кон ЕУ нема да биде лесен, бидејќи таква е природата на процесот, но пораката е јасна „ЕУ ја сака Србија во своите редови“.
-Не е лесно да се приклучи кон ЕУ, тоа е многу тешка задача, не затоа што ги менуваме нашите цели, туку затоа што учиме од искуствата. Тоа е во интерес на Србија, но и на нејзините граѓани-додаде тој.
Според него потребно е нормализирање на односите во регионот.
-Кој можеше да замисли дека Тачи и Дачиќ ќе се сретнат на редовна основа? Тоа е начин на кој ЕУ функционира-истакна Дежер.
Елена Георгиевска