Денес е 27 ден од антивладините протести и блокади во Бугарија. Три раскрсници во Софија остануваат затворени, а не се отстрануваат и шаторските кампови на Орловиот Мост, плоштадот Независност како и пред Ректоратот.
Поради блокадата во сообраќајот што го создадоа демонстрантите, утрово имаше сообраќаен метеж на повеќето главни раскрсници во градот.
Бугарските медиуми информираат дека е поставен нов шаторски камп во Варна, во непосредна близина пред општината, а претходно поставената барикада останува во Стара Загора.
Во Софија и оваа вечер, незадоволните граѓани се собраа пред бугарската влада. Кратко време по 21 часот, тие се упатија кон Орловиот Мост, пренесе „БНТ“.
Онаму каде сообраќајот е попречен поради поставените шатори, возилата не можат да се сообраќаат низ „окупираните“ улици, тоа не важи за возилата на итната помош, велат демонстрантите кои најавија дека нема да се тргнат ниту да попуштат поради притисоците, се додека актуелната влада не поднесе оставка.