Шефот на српската дипломатија Ивица Дачиќ изјави дека добил информација од делегацијата која учествува на состанокот во Вашингтон дека претседателот на Србија, Александар Вучиќ „на брутален начин“ ја одбил точката десет која се однесува на меѓусебното признавање на Белград и Приштина.
„Вучиќ на соговорниците им дал до знаење дека таквото меѓусебно признавање е апсолутно неприфатливо“, рече Дачиќ.
Како што објасни српскиот министер, точката десет никогаш претходно не била презентирана во преговорите, според него, српската делегација била запозната само со плановите за економски развој.
„Претседателот неколкупати кажа дека ние сакаме компромис, но тие мислат дека ние го признаваме Косово, несомнено е дека Америка се обидува да дојде до некакво решение“, додаде Дачиќ.
Српските власти го нарекоа документот понуден на преговорите „ултиматум“
Вучиќ за вечерва најави вонредно обраќање пред српската јавност од Вашингтон, преку кое ќе сподели нови детали од разговорите.