Лидерите на црногорските опозициски партии денеска на средба со еврокомесарот за проширување Јоханес Хан во Подгорица се заложија за формирање техничка влада, како единствен начин за изнаоѓање системско решение за проблемите во земјата.
– Формирањето на техничка влада е нaјдобро решение за Црна Гора, додека протестите се главна демократска институција, изјави лидерот на опозициската Социјалдемократска партија (СДП), Ранко Кривокапиќ по средбата со Хан.
Кривикоапиќ нагласи дека ставот на СДП е дека нема да учествува во никакви разговори за усогласување на условите за избори, се додека не биде фомрирана техничка влада, во која би доминирале претставници на граѓанскиот сектор.
Ваквиот став го поддржа и Горан Даниловиќ од партијата Обединета Црна Гора (УЦГ), кој нагласи дека во овој момент формирањето техничка влада е единствена алтернатива.
Првите луѓе на опозициската коалиција Демократски фронт (ДФ), Андрија Мандиќ, Милан Кнежевиќ и Небојша Медојевиќ изјавија дека на Хан му пренеле оти тие се „најпрогнуваната опозиција во Европа“.
Кнежевиќ нагласил дека во Црна Гора има политичка криза и побарал од Хан, ЕУ „да заземе јасен став за природата на режимот во Црна Гора“. – Дали овие докази за корупција и изборни кражби што се појавуваат во јавноста, не се доволни Европската комисија да заземе јасен став за природата на режимот во Црна Гора, изјави по средбата Кнежевиќ, кој е лидер Демократската народна партија (ДНП).
Мадиќ, кој е лидер на партијата на црногорските Срби, Нова српска демократија (НОВА), се пожалил дека Србите немаат никакви права во Црна Гора. – Ако Албанците во Македонија успеаја да се изборат во своите права, а ги има помалку отколку нас Србите во Црна Гора, тогаш и ние Србите ќе се избориме за нашите права, истакна Мандиќ.
Лидерот на Здружената реформска акција (УРА), Дритан Абазовиќ повика на што поголема масовност на антивладините протестите во Подгорица, со цел на граѓаните да им биде вратено „тоа што им е украдено“ – институциите на системот и можноста за слободен избор.
Првиот човек на партијата Демократи, Алекса Бечиќ нагласи дека на Хан му го пренел ставот оти кризата во Црна Гора се усложнува и дека сега се наоѓа на највисоко ниво во последниве 10 години.
Опозициските лидери нагласија и дека на средбата од Хан диобиле „корисни и добронамерни совети“.