Словенија ќе започне со примена на арбитражната пресуда за границата во Пиранскиот Залив и покрај тоа што Хрватска одбива да ја прифати донесената одлука, најави денес словенечкиот премиер Миро Церар.
Тој посочи дека не очекува инциденти доколку е почитувана граничната линија определена со арбитражниот договор.
– Спроведувањето на арбитражната пресуда е меѓународна обврска на Словенија и Хрватска, тоа не е нешто за што можеме да одлучуваме туку мораме да ја спроведеме, нагласи словенечкиот премиер.
Тој посочи дека ја известил хрватската Влада дека Љубљана е подготвена за спроведување на арбитражната одлука, како и дека се подготвени сите потребни акти за таа постапка да може да почне на 29 декември.