Албанскиот парламент денеска го избра новиот претседател на државата, Бујар Нишани (46) кој ги доби гласовите на владејачкото мнозинство.
Тој е сегашниот актуелен министер за внатрешни работи. За него гласаа 73 патеници, двајца беа против, а едно гласачко ливче беше неважечко.
Пратениците од опозициската Социјалистичка партија присуствуваа на седницата, но не гласаа. Кандидатурата на Нишани владејачкото мнозинство ја соошти денеска, откако од трката за претседател се откажа нивниот претходен кандидат, Артан Хоџа.
Бујар беше единствениот кандидат за претседател на денешното гласање. Социјалистите не го признаваат неговиот избор затоа што немаше противкандидат.
Мандатот на актуелниот претседател Бамир Топи му изминува на 28 јуни.