Бугарската агенција за национални приходи започна истрага против поранешниот министер за финансии Владислав Горанов, објави ТВ НОВА.
Ексминистерот од владата на Бојко Борисов во моментов е под истрага како физичко лице, соопштија властите.
„Можеби ќе треба да се проверат и неговите компании, доколку се утврди несовпаѓање помеѓу приходите и расходите“, објави Националната агенција за приходи на Бугарија.
Горанов во Бугарија се поврзува со најголемиот олигарх Делјан Пеевски, кој неодамна се најде под удар на американскиот закон насочен против корупцијата.