Бугарската полиција рано утрово ги отстрани шаторите на демонстрантите од три важни пункта во центарот на Софија, што го блокираа сообраќајот и притоа беа приведени 12 луѓе, меѓу кои и организаторите на протестот.
Организаторите биле уапсени затоа што одбиле да ја извршат наредбата, односно немале лични карти, пренесува БТА. Подоцна беа ослободени.
Демонстрантите поставија шатори пред зградата на Советот на министри, Универзитетот во Софија и централниот мост во градот, блокирајќи го сообраќајот.
Според полицијата, при отстранување на шаторите не била користена сила.