Бугарија го поддржува визниот договор потпишан меѓу ЕУ и Русија. Ова денеска на брифинг во МНР го истакна вршителот на должноста заменик министер за надворешни работи Костадин Којабашев.
Неговиот коментар беше одговор на новинарско прашање за предлогот на чешкото претседателство за раскинување на договорот меѓу Европската заедница и Руската Федерација за олеснување на издавањето визи за европските и руските граѓани, јави БТА.
Предлогот за кој станува збор ќе биде разгледан на крајот на август во Прага, на меѓународен форум посветен на Украина, со учество на министри за надворешни работи.
Извор: МИА