Бугарија и Албанија почнаа примена на договорот за еколошка соработка

Од:

Вицепремиерот за климатски политики и министер за животна средина и води на Бугарија Борислав Сандов се сретна со амбасадорката на Албанија Доника Хоџа. Тие изразија задоволство од обновената можност за продлабочување на соработката меѓу двете земји, соопшти прес-центарот на Министерството за животна средина и води.

Како што јави дописникот на МИА од Софија, според Борислав Сандов, Бугарија е подготвена да го поддржи усвојувањето на рамката за преговори за Албанија и одржувањето на првата меѓувладина конференција. Тој истакна дека водечки принцип за Бугарија е принципот на сопствените заслуги на секој кандидат.

Сандов ја потврди подготвеноста на бугарското Министерство за животна средина да го сподели своето искуство во транспонирањето и спроведувањето на европското законодавство за животна средина, како и да обезбеди експертска помош на албанската страна во претпристапниот процес, особено во поглавјето за животна средина.

Сандов ја потврди подготвеноста да оствари средба со албанската министерка за животна средина и туризам Мирела Кумбаро. Бугарскиот вицепремиер и министер за екологија во разговорот со албанската амбасадорка Доника Хоџа посочи дека процесот на проширување на Европската унија е главен стимул за промовирање на мирот, стабилноста и просперитетот во регионот на Западен Балкан.

Извор: МИА

Би можело да ве интересира

Земјотрес во Албанија почувствуван и во Македонија

Три лица загинаа во престрелка во Албанија, се трага по напаѓачите

Горан Наумовски

Три лица загинаа во престрелка во Албанија, полицијата трага по сторителите

Горан Наумовски

Бугарската десничарска партија не успеа да формира влада

Горан Наумовски

Директорката на албански ИНСАТ ги отфрли обвинувањата за манипулации со пописните резултати

ВИДЕО: Албански планинари го отстранија македонското и го закачија албанското знаме на врвот на Кораб

Катерина Ѓуровски