Министрите за одбрана на Бугарија, Грција и Романија на вчерашната средба во Луксембург се договорија за зајакнување на соработката во областа на одбраната меѓу трите земји, јави БТА.
На средбата меѓу Николај Ненчев, Панос Каменос и Михња Моток е воспоставен неопходен формат за регионална соработка, соопшти бугарското Министерство за одбрана.
За време на разговорите тројцата министри се усогласиле околу потребата од зајакнување на соработката и комуникацијата во областа на одбраната на сите нивоа. Биле разгледани прашања поврзани со мигрантскиот бран и многу влошената безбедносна состојба. Секој од нив изрази подготвеност неговата земја да биде поангажирана околу проблемите на своите соседи.
На тристраната средба министрите за одбрана се осврнале и на подготовките за средбата на врвот на НАТО во Варшава.