Албанскиот премиер Сали Бериша на денешната средба со делегација на Американскиот демократски инситут гарантирал дека во Албанија јунските парламентарни избори ќе бидат коректни и слободни и оти ќе се почитуваат меѓународните стандарди, јави дописникот на МИА од Тирана.
Во соопштението од кабинетот на Бериша, се наведува дека тој ветил дека Владата ќе се ангажира изборите на 23 јуни да бидат фер, слободни и демократски.
– Владата ќе ги реализира сите подготовки со цел да имаме еден изборен процес според виоските меѓународни стандради, изјави Бериша на средбата со делегацијата на Американскиот демократски институт предводена од Хоњард Деан.
Пред делегацијата која во Албанија престојува за да се запознае со подготвките за престојните парламнетарни избори, Бериша го обвинил лидерот на опозициските социјалисти Еди Рама дека „подготвува сценарио за оспорување на изборите искажувајќи неосновани обвиненија“.
Претходно Рама го обвини Бериша дека се подготвува за манипулација на изборните резултати.