Во Второто основно јавно обвинителство во Белград денеска е сослушан осомничениот С.А., откако бил приведен за настанот од 10 мај годинава, во кој беше повреден пензионираниот генерал Вукајло Чаѓеновиќ.
Осомничениот го искористил законското право да не дава одбрана за кривичните дела кои му се ставаат на товар – тешка телесна повреда, насилничко однесување и загрозување на безбедноста.
По рочиштето до Вториот основен суд во Белград е поднесен предлог за притвор, за да не влијае врз сведоците и да не го повтори кривичното дело или да го стори кривичното дело што се заканува дека ќе го стори.