Девет бугарски државјани, припадници на организацијата „Фелун Гонг“ се уапсени во Белград, пренесе српски „Телеграф“. Станува збор за организација која во Кина се претставува како опозициска, а властите ја прогласија за верска секта и ја забранија.
Наводно тие десет пати испраќале барање да одржат протестен собир за време на тек на самитот, но не им било одобрено.
По апсењето тие се спроведени во затвор во Падинска скела, каде што им е понудено да потпишат изјава дека во Србија дошле за да учествуваат на протест, за да бидат пуштени, да ја напуштат државата или во спротивно ќе бидат депортирани.
Исто така се наведува и дека од граница се вратени и двајца хрватски и еден словенечки државјанин, кои исто така се прпадници на оваа организација. Инаку самитот во Белград го обезбедуваат околу 10.000 полицајци.
Е. Г.