Генералниот секретар на ОН Бан Ки-мун ги поздрави во својот редовен тримесечен извештај за ситуацијата на Косово „конструктивните чекори“ во рамки на продолжувањето на дијалогот Белград и Приштина, изразувајќи надеж дека тоа постепено ќе доведе до нормализација на односите и воспоставување траен мир во регионот.
Бан, во извештајот што се разгледуваше синоќа во СБ на ОН, наведе дека во претходниот период, од 16 јули до 15 октомври, се направени позитивни поместувања во настојувањата да се спроведат договорите постигнати во дијалогот со посредување на ЕУ, јави Танјуг.
– Ги поздравувам уверувањата на Белград и Приштина во поглед на нивната подготвеност и посветеност да го продолжат силното ангажирање во дијалогот, за да се решат спорните прашања по мирен пат и со цел одржување нивна заедничка европска перспектива, се наведува во извештајот.