Бајден ја поздрави „историската пресуда“ против Младиќ, очекува лидерите во регионот да ја прифатат

Од:

Американскиот претседател Џо Бајден ја поздрави денешната одлука на Жалбениот совет на Меѓународниот кривичен трибунал за поранешна Југославија со потврдувањето на првостепената пресуда против Ратко Младиќ, со која беше правосилно осуден на доживотен затвор, оценувајќи ја како „историска пресуда која покажува дека оние кои извршиле ужасно злосторствата ќе одговараат”, со надеж дека ќе ја почитуваат и лидерите во регионот.

– Таа историска пресуда покажува дека оние кои ќе извршат ужасни злосторства ќе одговараат. Со тоа, исто така, се потврдува нашата заедничка определба да ги спречиме идните злосторства каде било во светот, вели Бајден во изјавата.

Тој потсети дека пред речиси 26 години, „Младиќ нареди убиство на околу 8.000 невооружени мажи и момчиња“, командувал „со бруталната долгогодишна опсада на Сараево и тој е одговорен за многу други злосторства“.

– САД помогнаа во предводењето на меѓународните напори за прекин на злосторствата во Босна и Херцеговина, да се изведат пред лицето на правдата оние кои извршија злосторства таму и во други делови на поранешна Југославија и да се воспостави траен мир во земјата и поширокиот регион, рече Бајден .

Тој исто така ја изрази благодарноста на Америка за неуморната работа на Хашкиот трибунал во изминатите две децении во случаи поврзани со конфликтот на Балканот и сите оние чија посветеност ја овозможи денешната пресуда.

– Правдата и помирувањето се основа на идниот мир и стабилност, а денешната одлука е исто така важна потврда дека тоа е можно. Искрено се надевам дека лидерите во регионот ќе ја почитуваат оваа пресуда и ќе ја потврдат нејзината важност за владеењето на правото. Моите мисли се со семејствата на голем број жртви на злосторствата на Младиќ, истакна Бајден.

Би можело да ве интересира

Ле Дриан: Загрижува политичката криза и институционална блокада во БиХ

А1он

Германскиот парламент ќе разговара за состојбата во Босна и Херцеговина

Ана Ололовска

ВИДЕО: Бајден го пцуе новинарот на Фокс Њуз

Ана Ололовска

Бела куќа: Бајден ќе има видео средба со лидерите на ЕУ за Украина

А1он

Додик: БиХ е пропаднат проект, требa цивилизирано да се разделиме

Ана Ололовска

Во БиХ се заразени уште 1.840 луѓе

Ана Ололовска