Турскиот државјанин Р.А. (54) почина за време на летот од Истанбул до Дизелдорф, по што авионот принудно слета на аеродромот во Белград.
Авион на „Пегасус ерлајнс“ што летал од Истанбул до Дизелдорф утрово извршил принудно слетување на аеродромот „Никола Тесла“ во Белград поради итна медицинска состојба на летот.
Според соопштението, за време на летот, турскиот државјанин Р.А. отишол во тоалет. Стјуардесата забележала дека го нема подолго време, ја отворила вратата и го пронашла во несвест.
За жал, лекарите можеле само да ја потврдат неговата смрт.
По наредба на обвинителството, телото е испратено на обдукција.