Двете партии од владејачката коалиција во Грција, СИРИЗА и Независни Грци (АНЕЛ) доставија до Парламентот предлог за создавање на анкетна комисија, која ќе изврши истрага и ќе побара политичка одговорност за нанесените штети на државата од склучените спасувачки спогодби со кредиторите и за ставање на земјата на режим на надворешен надзор.
Весникот „Етнос“ пишува дека предлогот за оваа комисија е потпишан од 149 пратеници од СИРИЗА, на чело со нејзиниот лидер Алексис Ципрас и од 13 пратеници од АНЕЛ, предводени од лидерот и министерот за одбрана Панос Каменос.
Истрага на парламентарната комисија ќе го опфати периодот од октомври 2009 година, кога почна кризата до јануари 2015 година, кога на власт дојде партијата СИРИЗА.