Албанската полиција кај северниот град Хас заплени арсенал оружје и уапaси две лица, во чија куќа е пронајдено оружјето, што било планирале да се прошверцува за Косово.
-Во рамки на акцијата „Стариот пат на минување“ уапсени се Абди Леши (51) и Риза Леши(47), жители на селото Кишај, во општина Хас.
Во добро организираната акција запленет е арсенал оружје и муниција, што требало да се прошверцува за Косово, се наведува во соопштението на регионалниот полициски комесаријат од Кукс.
Според полицијата, запленети се три автомати, лесен митралез, два пиштола, пет автоматски и четири ловечки пушки, 8.894 куршуми од различен калибар, 40 рачни бомби, осум антитенковски гранати, четири противпешадински мини, 21 подготвна каписла за телефон, еден детектор за окривање мини, како и десетици детонатори за гранати и шаржери за автоматите.
Истрагата ќе биде проширена и во Косово.