Албанската полиција утрово привела поглема група илегалци кои нелегално на албанска територија кај јужниот град Ѓирокастро влегле од Грција.
Групата, која е откриена кај селото Глине ја сочинувале 37 лица, од нив 21 државјанин на Сирија, седуммина од Конго и петмина од Еритреа.
Нивната цел било преку Албанија да минат само транзит а патот да го продолжат за Црна Гора а потоа за некоја западно европска земја.
Според полицијата во тек се мерки за нивна реадмисија.
Обидите на странските имигранти преку Албанија да заминат во некоја западно европска земја, речиси се секојдневна појава. Лани полицијата успеала да открие и приведе над две илјади илегалци.