За нов генерален директор на албанската државна полиција е назначен Мухамет Румбулаку, кој има 29- годишно искуство во државната полиција.
Педесет и две годишниот Румбулаку има чин прв офицер, бил заменик генерален директор на полицијата за јавен ред и безбедност 2009-2013 година, додека пред тоа бил директор на Полицијата на Тирана и во некои други области.
За време на техничката влада во 2017 година, Румбулаку неколку месеци беше советник на министерот за внатрешни работи Дритан Демирај.
Од 2019 година до пред две недели ја извршуваше функцијата директор на Агенцијата за надзор на полицијата. Во ноември 2020 година, Мухамет Румбулаку беше потврден од Комисијата за оценка по три сегменти имот, чистота на личноста и професионални вештини.
Тој доаѓа на местото на местото на Гледис Нано, кој по не цела година од назначувањето беше разрешен на 31 минатиот месец.
Привремено должностите ги презеде заменик директорот на полицијата, Тонин Вуцај.
Извор: МИА