Од младите во Албанија 70 проценти сакаат да заминат од државата, додека 80 отсто од нив најголем проблем им е вработубањето, извести тиранскиот весник „Шќип“. Податоците се изнесени во студија за проблемите на младите во Албанија, спроведена во 2011-та година од Фондацијата „Фридрих Еберт“.
Покрај тоа, дури 96 проценти од младите немаат доверба во политиката.
„Албанската младина паралелно размислува, нема доверба во политиката, а од друга страна влегува во политичките партии заради добивање на работа“, вели директорот на Фондацијата „Фридрих Еберт“, Франк Хантке.
Тој смета дека овие податоци се чудни за една демократска земја.
Јасна Атанасова