Во изминатите 24 часа во Србија починале 11 луѓе од последици на коронавирусот, додека регистриран е 351 нов случај, соопштија здравствените власти.
Вкупниот број на починати од Ковид-19 во земјата од почетокот на пандемијата достигна 429. Досега се регистрирани 19.334 заболени. Хоспитализирани се 234 пациенти, а 169 се на респиратор.
Поради растот на бројот на заболени, носењето маски ќе биде задолжително на отворено на територијата на цела Србија во околности во кои не е можно да се држи дистанца од еден и пол метар, одлучи денеска Кризниот штаб. Забранети се и собири на повеќе од 10 лица, без разлика дали е на отворено или во затворен простор.