Козјото сирење идеално одговара со пирето од компири и печурките …
Потребно е:
1 кг компири
маслиново масло
сол, мелен црн бибер
150 гр маринирани шампињони
свеж магдонос
1 младо лукче
100 гр тврдо козјо сирење
200 гр кисело млеко
4 јајца
мелен сув зачин
Подготовка:
– Компирите исчистете ги, исецкајте ги на коцки и ставете ги во посолена вода да се варат. Варените компири исцедете ги од водата, испасирајте ги и додадете им сол и бибер, по вкус.
– Садот за печење намастете го и ставете го пирето од компири во него.
– Над пирето распоредете ги сецканите маринирани шампињони, сецканиот свеж магдонос и сецканото младо лукче.
– Посебно изматете ги јајцата со киселото млеко и додадете го издробеното козјо сирење. Убаво измешајте.
– Оваа смеса сипете ја над шампињоните и по вкус зачинете со мелен сув зачин. Одозгора наредете на листови исечен путер.
– Ставете да се пече во загреана рерна на 200 целзиусови степени околу 30 минути.