Кинески археолози на камења на локалитет од времето на неолитот јужно од Шангај, пронашле нови форми на примитивно писмо за кое се верува дека е старо околу 5.000 години.
Иако засега меѓу експертите нема единствен став дали овие знаци претставуваат цртежи или симболи што означуваат зборови, тие сепак веруват дека ова откритие ќе помогне за утврдување на потеклото на кинеските јазик и азбука.
– Тие се разликуваат од симболите што сме ги наоѓале во минатото на артефакти. Нивните форми и фактот дека се подредени во целина слична на реченица, укажуваат дека станува збор за мисловен израз, изјави раководителот на археолошкиот тим Су Синмин.
Досега најстариот откриен запис на кинески јазик беше пронајден на животински коски и датиран на периодот од пред 3.600 години во времето на династијата Шанг.