На одржаните музички награди МАС 2020 “Music Awards Ceremony“, доделени беа повеќе награди за музчките ѕвезди од регионот.
Македонските музички ѕвезди Влатко Лозаноски и Тијана Дапчевиќ се закитија со статуетки од МАС 2020.
Овие убави вести ги споделија на социјалните медиуми, и им се заблагодарија на фановите за нивната подршка во изминативе години.
Според организаторите, доделувањето на музичките награди МАС 2020, го следеле над 300.000 гледачи во живо на “Ју тјуб” каналот.
Покрај одличните музички настапи со награди се здобија и Јелена Карлеуша, Марија Шерифовиќ, Сенидах и уште многу музички ѕвезди од регионот.