Славната виенска пивница „Ottakringer“ летово, заедно со девет други виенски пивници, го организира првиот „Фестивал на културата на пивото“.
Во текот на целото лето посетителите на славната пивница во 16. виенски округ, ќе можат освен во домашните видови пиво да уживаат и во необичните видови, како што се пивото со кафе, со овошје, органското пиво.
Освен пиво, за посетителите на фестивалот е организирано и разгледување на пивницата „Ottakringer“, учество во наградни игри, како и филмски проекции на отворено.
Пивницата „Ottakringer“ е една од последните големи независни пивници во Австрија, која од 1837 година се наоѓа во 16. округ.
Пивницата е во приватна сопственост и годишно произведува околу 614.000 хектолитри пиво, а во својот асортимент има 12 видови пиво и има осум отсто удел во целокупниот австриски пазар.
Фестивалот на пивото ќе трае до 4 септември 2013 година.