По победата на Доналд Трамп на претседателските избори во САД, многу холивудски ѕвезди го изразија своето незадоволство од изборните резултати, но мегапопуларната пејачка Тејлор Свифт, која ја поддржа Камала Харис на изборите, не ги коментираше резултатите.
Trump story, ft Taylor Swift 🎶 pic.twitter.com/sXcthzK3eY
— JonC Memes (@JonCovering) November 15, 2024
Видеото генерирано со вештачка интелигенција на кое Трамп и Свифт пеат пародија на нејзиниот голем хит Love Story стана вирално на социјалните мрежи. Песната со вештачка интелигенција се вика „Trump Story“ и досега има собрано повеќе од 40 милиони прегледи само на мрежата X.
Во клипот со вештачка интелигенција, Трамп пее и свири на гитара додека Свифт слуша. Во еден момент се среќаваат во Белата куќа, а потоа ја гледаме Свифт на митингот на Трамп како носи црвена капа со слоганот „Направи ја Америка повторно голема“.
За време на претседателската кампања, Свифт ја објави својата поддршка за Камала Харис на Инстаграм, платформа на која има 283 милиони следбеници.