Спасувач на базен во Австрија се соочи со голема јавна осуда откако буквално турна младо момче од скокалницата висока десет метри.
Инцидентот што се случи на 13 август на општинскиот базен Штајер во Австрија стана вирален на социјалните мрежи, а веднаш ја шокираше австриската јавност. Поради самиот бизарен и опасен чин, покрената е истрага.
Видео кое кружи на социјалните мрежи покажува како млад човек се држи за оградата на скокалницата, додека спасувачот го клоца во грб, а момчето потоа паѓа од кулата висока 10 метри, пренесува OÖNachrichten.
Во меѓувреме, спасувачот беше испрашуван, тој јавно се извини и рече дека му е јасно дека неговите постапки биле погрешни. Какви санкции го очекуваат треба да стане појасно во наредните денови, а се уште не е целосно јасно што му претходело на бизарниот инцидент.
Како што пренесуваат медиумите, изјавите на сведоците се контрадикторни, а според некои информации, младото момче предолго стоело на скокалницата бидејќи се уплашило. По неколку моменти му пришол спасувачот и го турнал од скокалницата висока 10 метри.