Учеството на Израел на Евровизија предизвика масовни протести низ Базел и Швајцарија, а во неколку наврати имаше инциденти и на самата Евровизија. Протести и противење се одржаа не само на улица, туку и во салата каде што се одржуваше Евровизија 2025 година.
Во прилог на тоа говори и инцидентот што се случи синоќа за време на настапот на самиот Израел, поточно Јувал Рафаел.
Демонстрантите од групата „Барање на младите“ беа насилно отстранети од арената поради протести против израелскиот напад врз Појасот Газа.
Имено, на Инстаграм се појави видео на кое се гледа како неколку обезбедувачи удираат, влечат за коса и малтретираат млад човек кој цело време се држел за оградата и одбивал да се помести.
„Ваквите видливи прекини се клучна форма на отпор. Израел не треба само да биде дисквалификуван од натпреварувањето, неговото учество на настани како Евровизија претставува опасен чин на нормализација“, се вели во описот на истоименото видео.