Уживате во вака испечениот леб …
Потребно е:
500 гр бело пченично брашно
340 мл млака вода
1 кесичка сув квасец
10 гр сол
2 лажици маслиново масло
1 жолчка, за премачкување
семки сусам, ким, за посипување
Подготовка:
– Помешајте го брашното со сувиот квасец. Додадете го маслиновото масло и млаката вода и замесете меко тесто. На крај додадете ја и солта и повторно измесете го тестото околу 10 минути. Тестото ставете го на топло место и оставете да стаса.
– Додека тестото нараснува анализирајте преку следното видео како да исплетете плетенка од 8 делови тесто.
– Стасаното тесто, по околу 30 минути стоење, поделете го на 8 топчиња. Топчињата со сукало развлечете ги во форма на краци со дијаметар 40-45 см.
– Исплетете го лебот и оставете го да одмори 20-тина минути. Потоа премачкајте го со изматена жолчка и поипете со семки по желба.
– Ставете да се пече во загреана рерна на 200 целзиусови степени додека да добие убавла златно-кафена боја. проверете со чепкалка за заби дали е печен.