Либанскиот дизајнер Ели Сааб ја претстави новата колекција за висока мода и на пистата во Париз ги донесе дваесетите години од минатиот век.
Меѓу многуте интересни комбинации, највпечатлива креација беше фустанот изработен од четири илјади бисери и пет илјади стаклени камчиња.
Имено, Сааб сите свои креации ги украси со светки, пердуви, посебни навезени делови, но фустанот со геометриски мотиви украсени со сребрени светки, кристали и микроскопски кругови поставени преку материјалот во боја на кожа ја восхити публиката на ревијата во Париз.
Креацијата не воодушеви само со својот изглед, туку и со трудот вложен во нејзината изработка.
Тим од 12 луѓе работеле три месеци на тоалетата која има четири илјади бисери и пет илјади камчиња со различна величина и облик.
Дизајнерите работеле 500 часа, а три седмици им требале само за везот. Величествената креација на ревијата во Париз ја носеше хрватска манекенка.
Сааб изјави дека Great Getsby бил инспирација за поголемиот дел од неговите креации преку кои сака да ги оживее дваесетите години и тогашната радост во живеењето.