Љубителите на змии и научниците ќе можат да набљудуваат „Мега дувло“ од 2.000 змии ѕвечарка на оддалечена локација во северниот дел на Колорадо преку онлајн камера која ќе биде достапна за гледање 24 часа на ден.
„Ова е голема јама за ѕвечарки и една од најголемите за кои знаеме“, вели професорката по биологија на Универзитетот во Калифорнија, Беркли, Емили Тејлор, која го води истражувањето на проектот Rettlechem.
Научниците од колеџот поставија онлајн камера за змиите ѕвечарка во мај и ја чуваат точната локација на дувлото во Колорадо во тајност за да не дојде никој и да ги вознемирува научниците и змиите. Змиите ѕвечарки во Колорадо се засолнуваат во дупка во текот на зимата и излегуваат на пролет.
Imagine outgrowing your brittle old skin and being trapped in it for a few weeks. Then it breaks open and you wriggle out, fresh and new. Check out the color change as this snake shows its new skin. Such a satisfying POP at the end!
YouTube link: https://t.co/1XFmMOzSVB pic.twitter.com/eDZ2D5Zc7E
— Project RattleCam (@Rattlecams) June 30, 2024
Во овој период од годината во дупката остануваат само трудните женки, а во август треба да родат ѕвечарки, кои не излегуваат од јајцата, туку се раѓаат. Исто така, за разлика од другите змии, мајките ѕвечарки се грижат за своите младенчиња, заштитувајќи ги со телото од предатори, а понекогаш се грижат и за малите на другите.
„Ѕвечарките се навистина добри мајки. Луѓето не го знаат тоа“, вели Тејлор. Преку онлајн камера, научниците ќе можат да го следат однесувањето на змиите без да се мешаат. Во меѓувреме, луѓето што го следат дувлото онлајн ќе можат да ги информираат научниците за настаните што ги пропуштаат.
„Тоа е навистина групен напор, научен напор на заедницата, што не можевме сами да го направиме како научници“, рече Тејлор.