Едно семејство доживеало страшно искуство додека биле на одмор во Шри Ланка. Див слон ги скршил стаклата на нивното комбе барајќи храна, пишува Би-би-си.
На видеото на социјалните мрежи, јасно може да се види како слон се движи кон автомобилот во кој се наоѓаше Касун Баснајаке и неговото семејство во Националниот парк Јала. Слонот со забот го скршил прозорецот на возачот и со сурлата пребарувал храна во внатрешноста на комбето.
„Слонот почна да ни шмрка околу нозете барајќи храна. Возачот не советуваше да му дадеме се што имаме, па му ги дадов остатоците од сендвичот на мојот син“, изјави за Би-Би-Си Касун, жител на Перт, Австралија.
Касун потоа му фрлил храна на слонот за да се спасат, а возачот потоа успеал да побегне.
„Тие сендвичи и чипс веројатно ни го спасија животот“, рече тој.
При инцидентот нема повредени.