Уметникот Алекс Рос наслика огромен мурал на кој се претставени 35 најпознати суперхерои на „Марвел“, а студиото објави снимка која го прикажува процесот на создавање на муралот, кој траел цела една година.
Рос е познат по вниманието на деталите, кои на ликовите им даваат живост и сензибилитет. Петминутното видео го прикажува уметникот, кој го објаснува пристапот кон тешкиот проект, вклучувајќи ги концептот и скиците.
Џиновското дело на Рос ќе го краси ѕидот на студиото на „Марвел“ во Њујорк.