Десетици илјади Холанѓани учествуваа во традиционалното капење на први јануари во Северното море.
– Во Шевенинген имаше околу 10 илјади луѓе, а ширум Холандија рекордни 40 илјади, изјави Јиске Бартен, една од организаторите на овој настан.
Во костим за капење и портокалови капи и ракавички, кои ги добија од организаторите, во студеното море, точно на пладне, влегоа Холанѓаните.
– Помалку е лудо, но тоа е традиција. Секој Холанѓанин го има направено тоа барем еднаш во животот, рече 29-годишниот Сандер Велтахуизен.
Ова е негова 11-та година по ред, како се капе на први јануари во Северното море.