Кристијано Роналдо и неговото семејство неодамна се преселија во Саудиска Арабија, а партнерката на фудбалерот, Георгина Родригез, во интервју за шпански Телемундо откри нови детали и се пожали дека нивните деца искусиле физичко насилство во тамошното училиште.
„Има моменти на училиште кога децата ќе ги удират и тие не се бранат“, рече Георгина и потоа ја опиша ситуацијата.
„Пред некој ден, едно од децата дојде дома и почна да плаче, прашав што се случи и добив одговор: Ме удри дете. Му реков: „Зарем не знаеш да се браниш?“, изјави таа.
Георгина и Роналдо живеат по новите правила веќе еден месец, но манекенката неодамна го прекрши кодексот на облекување на вечера со својот вереник, појавувајќи се во кратко здолниште, поради што и се заканува парична казна.
Во Саудиска Арабија владеат шеријатските правила и жените се обврзани да го покриваат целото тело. Кодексот на облекување наложува „скромност и пристојност“, затоа не смее да се носи тесна, но и проѕирна облека.