На годинашниов „ВиноСкоп“, што ќе трае до недела, ќе се претстават винариите „Стоби“, „Тиквеш“, „Бовин“, „Сковин“, „Шато Камник“, „Шато Сопот“,„Попов“, „Попова Кула“, „Филовски“, „Визба Валандово“, „Вардарска Долина“, „Картал“, „Пивка“, „Дудин“, „Изворно“, „Имако“, „Винарија Охрид“, „Пирган“ и „Бахус-Алтан ракија“.
Фестивалот ќе го отворат министерот за земјоделство, шумарство и водостопанство Љупчо Димовски и скопскиот градоначалник Коце Трајановски
Музичката програма на фестивалот претежно ја сочинуваат македонски изведувачи, како Игор Џамбазов и Гуру Харе бенд, Нокаут, Нино Величковски, Миле Кузмановски, а гостуваат и два бенда од Косово.
„ВиноСкоп“ го организираат Град Скопје и винотека „Темов“. Град Скопје годинава одвои околу 500 илјади денари.