Социјалната мрежа Твитер објави дека приватните пораки што се разменуваат преку мрежата во иднина нема да бидат ограничени на 140 карактери.
Ограничувањето со кое приватните пораки на Твитер не можеа да содржат повеќе од 140 карактери повеќе не важи, но таквото ограничување останува за твитовите.
Корисниците сега ќе може поедноставно да разговараат во приватни пораки, без испраќање на еден по друг делови од реченици, пишува денеска францускиот весник „Монд“.
Измените ќе бидат применети на апликациите под оперативен систем Андроид и иОС, како и веб страниците и пребарувачот Твитдек.