Илон Маск ги укина суспензиите на неколку новинари на Твитер

Од:

Новиот сопственик на Твитер Илон Маск ги врати налозите во социјалната мрежа на неколку новинари кои ги блокираше откако објавија податоци за неговиот приватен авион.

Одлуката на милијардерот предизвика бран незадоволство и ја смени само еден ден откако ја објави во четвртокот.

Маск го направи ова откако прибегна кон својот омилен метод: анкетирање на корисниците на Твитер. Вкупно гласале 3,69 милиони луѓе, од кои речиси 59 отсто се изјасниле за враќање на блокираните профили.

„Луѓето го кажаа своето. Налозите што го објавија моето место на живеење ќе бидат вратени“, твитна Mаск доцна синоќа.

Вчера Европската Унија му се закани на Твитер со санкции. ОН, од своја страна, го дефинираа блокирањето на налозите како „опасен преседан“.

Одлуката се однесуваше на десетици американски новинари, меѓу кои и водечките медиуми како Си-Ен-Ен и весниците „Њујорк тајмс“ и „Вашингтон пост“.

Извор: МИА

Би можело да ве интересира

Судот му нареди на Маск повторно да сведочи за преземањето на Твитер

Бразилски судија покрена истрага против Илон Макс

Катерина Ѓуровски

Илон Маск повеќе не е најбогатиот човек на светот

(ВИДЕО) Американци и Русин тргнаа со ракетата на Маск кон вселенската станица

Маск: Нема шанси Путин да ја загуби војната во Украина

Маск: Вградивме чип во човечкиот мозок

Горан Наумовски