Новоизбраниот американски претседател Доналд Трамп изјави дека во понеделник ќе потпише извршна наредба со која, барем на одреден период, ќе се спаси TikTok од затворање во Америка.
Во обраќањето на социјалната мрежа Truth Social, Трамп рече дека побарал од компаниите да не го затвораат TikTok.
„Во понеделник ќе издадам извршна наредба за продолжување на периодот пред да стапат на сила законските забрани, за да можеме да направиме договор за заштита на нашата национална безбедност. „Американците заслужуваат да ја видат нашата возбудлива инаугурација во понеделник, како и други настани и разговори“, рече Трамп.
„Би сакал Соединетите Држави да имаат 50 отсто сопственичка позиција. Со тоа го чуваме TikTok, го чуваме во добри раце и му дозволуваме да напредува. Без одобрение од САД, нема TikTok. Со наше одобрение, тој вреди стотици милијарди долари – можеби „трилиони“, рече Трамп.
Иако наредбата сè уште не е потпишана, одредени корисници на TikTok во Соединетите држави пријавија дека успеале да го вратат пристапот до нивните сметки.
Сепак, за многумина од нив, TikTok сè уште е „во мрак“, а на веб-страницата на социјалната мрежа сè уште стои дека е недостапен за корисниците во САД.